مـآأيلزمني ..{ عـًنۉَ ـآטּ لآنڪ آجمـًل عنـآأۉَينيے ♪♫

[! غلآي أنتَ »]

يا بعيد وجابك الله .. لين عندي وصلك ما تمنيتك لأنك .. كنت ابعد من خيالي ما خطر في بالي مره .. اني ممكن اوصلك كنت اشوفك مثل نجمٍ .. في السماء ساطع وعالي يا بعيد وجابك الله .. لين عندي وصلك جيتني مثل الشروق .. اللي محى عتم الليالي جيت فرحه للحزين .. اللي من همومه هلك جيتني وانت يحبك الف محبوبٍ بدالي سخرك سبحانه اللي في عيوني كملك .. يا بعيد وجابك الله .. لين عندي وصلك هو صحيح احنا التقينا ؟ هو صحيح انت قبالي ؟ هو صحيح اني حبيبك ؟ كان لي حق اسألك ؟ كانني احلم طلبتك .. خلني هايم لحالي خلني بالحلم عايش فيه دامي به معك .. يا بعيد وجابك الله .. لين عندي وصلك ممتلي بالحب قلبي .. وغير قلبي قلب مالي اهدني قلبك حبيبي .. خلني فيه اعشقك يا بعيد وجابك الله .. لين عندي وصلك

[! غلآي أنتَ »]

أبي حبك معي يكبر
......... وأبي اهواك أنا اكثر
وأبي اهديك أنا دنياي
...........وكل اللي عليه اقدر

حبيبي إنت احساسي
...... ونبض القلب وانفاسي
ولو صار الزمن قـاسي
.........عشان عيونك اتصبّـر

غرامك كل يوم يزود
...... ولا يعرف مدى وحدود
عيوني في هواك شهود
........... يارب مايوم نتغيّـر

عشانك كل شي يهون
......... لأنك حبي المجنون
يا أحلى مافي هذا الكون
......... صحيح يحقلك تغتر

[! غلآي أنتَ »]

ليه اذا حبيتك اكثر .. زدت قسوة وان دريت بحاجتي لكـ .. زدت جفوة وان عطيتكـ من حياتي ماتريده ما كفاكـ وتحسب ان الحب نزوة .. والله اني يا احب الناس احبكـ والله ان الروح لو ترضيكـ فدوة والله اني تارك غيركـ وجيتكـ مزعل الزعلان والعذال عنوة .. كل دقه قلب فيني لكـ قصيدة تكفي الدنيا مع الا حباب غنوه .. وكل هاجس ما يجيب الا خيالكـ سلوتي بالعمر في صحوه وغفوة .. اجمع احساسي .. واشواقي .. واجيلكـ والبس ثياب الهوى والعشق كسوة .. والله اني يا احب الناس احبكـ والله ان الروح لوترضيكـ فدوة والله اني تارك غيركـ وجيتكـ مزعل الزعلان والعذال عنوة .. انتفي لكـ من سواليفي حسنها والقصايد من غزلها كل حلوة وانثر العبرات .. والضحكات .. عندكـ تاخذ اللي تنتفي لكـ فيه سلوة .. واذكر الله كل ما ناظرت حسنكـ اشهد انك فوق عرش الزين ذروة .. والله اني يا احب الناس احبكـ والله ان الروح لو ترضيكـ فدوة والله اني تاركـ غيركـ وجيتكـ مزعل الزعلان والعذال عنوة ..

[! غلآي أنتَ »]

وينك يـادرب المحبَّـه
هل أقفلوك الحبايـب

كذبوا علَّي الف كذبـه
وظنَّوني في الحب كاذب

وآنا محسِّـب حِسابـه
ماجيت من غيـر بابـه

سنتين على الدرب تايه
ما أحد من النَّاس يابـه

يرشدني على الَّلي أحبَّه
وينك يـادرب المحبَّـه

وينك يادرب السَّعاده
وين الدَّليـل المساعـد

غريب تـارك بـلاده
والأهل من أجل واحد

ضايع وضيَّـع شبابـه
ملَّوه حتـى صحابـه

يغالطـون الـعـواذل
ما بالعـواذل عدالـه

ولايرحموا دمع سايـل
يغني المحب عن سؤالـه

على الخد مِثل الكِتابـه
يشرح شؤن الصَّبابـه

[! غلآي أنتَ »]

أحب فيك الوقت لا غابوا الناس
وأحب فيك الناس لا صرت موجود
وأحب فيك الليل لا صار هوجاس
وأحب باكر دامني فيك موعود

كيف أتنفس وأنت ما غيرك أنفاس
قيدتني وحريتي صارت قيود
كيف اجتمع بك كل مابي من إحساس
كيف اختصرت الكون بعيونك السود

وش سهّرك فيني وأنا كلي نعاس
وش طولك فيني وأنا كلي حدود
اعشق جنوني فيك وارفع بها الراس
وان فيني ناقص قلتي نقصي هو الزود

ما هو بكيفي والظمأ يكسره كاس
بشرب ظماك ويرتوي يابس العود
دام الرجاء لي فيك ما يعرف الياس
ليه انتظر موتي وأنا فيك موجود

[! غلآي أنتَ »]

احترقت الشوق والشوق احترق بي
من غدا كلٍ عن الثاني غريب
للشقى حظي مشى فيني وسبقني
اه ياظلم الهوى وظلم النصيب ..

السهر من عشقتك غصبٍ عشقني
يا عنيدٍ .. يا بعيدٍ .. يا قريب
سال من دمعي قصيدي ولا نطقلي
والسواد الي توشحلي كأيب ..

صرت له كلي وعيى ماعتقني
وان تفزعت بنهارك ما يجيب
انت وينك يا السروق الي سرقني
ردلي لو راحتي ودي اطيب ..

الزماني الي على دروبك رشدني
كني الديّمه على القاع الجديب
يوم جيتك ذكره له ما صدقني
وقاللي انت البشر تخطي وتصيب ..

[! غلآي أنتَ »]

كلّما عرضت لي .. باحلى الكلام
شفت نظراتي بنظراتك تذوب
تلتقي النظرات .. من قبل السّلام
ونظرتك تسبق على ملك القلوب

إنت لي دخّلتني .. بحر الغرام
بالمحبّه واللطافه يا محبوب
رحت في غيبات .. سجّات الهيام
وقلبي اللّى راح بيدينك لعوب

شفت سهم الموت .. من تحت اللّثام
فاتنات الرّمش والطّرف الجذوب
واعذابي منك يا .. سيد الأرام
يا عذاب الرّوح يا الغرّ اللعوب

بوجبينٍ مثل .. برّاق الغمام
أو كما شمسٍ تهَيّف للغروب
إن سألت الحال .. فالحال انعدام
وانت تدري الحبّ سلاّل القلوب

[! غلآي أنتَ »]

اشتقتلك في وقت انا كنت ابنساك
وانظر خيالك في عيوني سحابه
اكذب عليك ان قلت افكر بفرقاك
البعد والنسيان مااقوى عذابه

تقدر تجافيني وانا مااقدر اجفاك
عرفت ضعفي واستدليت بابه

همك تبكيني وانا همي رضاك
انا غدير الحب وانته سرابه

محتاجلك ارجوك مليت رجواك
لبستني من ذل حبك ثيابه

تعال حتى لو هوى الغير قساك
انا السؤال وجيتك لي اجابه

[! غلآي أنتَ »]

الألم ... وليه الألم
هامت حروفي ... وخوفي يعصاني القلم

أشتكيكـ للناس ... وألتقيكـ في الناس
الناس إنت ... الناس إنت
و إنت يا حبيبي الناس

---

ما ودّي أسمع منك عتاب ... ما ودّي أفتح للألم باب
أحباب كنّا ... و تفارقوا الأحباب
و لو أنهم على عيني
السهر ... و هموم البشر ... بينكـ و بيني

أشتكيكـ للناس ... وألتقيكـ في الناس
الناس إنت ... الناس إنت
و إنت يا حبيبي الناس

---

أحبكـ ... ما كذبت
ما عرفت اشلون أحبكـ
ما عرفت ... أحبكـ ... ما كذبت
ما عرفت اشلون أحبكـ
ما عرفت ... انا أحبكـ ... ما كذبت
ما عرفت اشلون أحبكـ
ما عرفت
غصبٍ على أيامي ... مشيَت لك أقدامي
لا الطريق خلّص ... ولا أنا يا قمر ليلي وصلت

أشتكيكـ للناس ... وألتقيك في الناس
الناس إنت ... الناس إنت
و إنت يا حبيبي الناس

[! غلآي أنتَ »]

ألا يا ويل من حب وتلوع
ولا طال الذي نفسه تريده
فلا هو بالذي يرضى ويقنع
ولا السلوى عن البلوى تفيده
الى جا الليل كل الخلق تهجع
وانا سهران بأفكاري الشريدة

احس بداخلي اللوعة تجمع
كأن الوجد مفتاح القصيدة
تقول الناس وش خلاك تزرع
بأرض ممحلة صبخه عنيدة
قضيت سنين يا المسكين تتبع

ورى أحلام براقه بعيدة
عجزت اسلاه وما به صبر ينفع
يرد الشوق واخشى إنه يزيده
يلوموني وانا للوم ما اسمع
ألين الله.. يفعل ما يريده